Osvrt

Осврт

1.Се извинуваме на посетителите на првиот домашен стрип портал поради долгата пауза што ја имавме поради технички причини. Се надевам дека сличните проблеми во иднина нема да ни се повторуваат и ве известуваме дека повремено работиме на мал редизајн на нашите страници и се надеваме дека ќе го привршиме за некои 30тина денови. Посетата на нашиот стрип портал останува во просек на некои 20 000 посетители во месецот и драго ни е што тоа е така,особено што и тоа е факт кој може лесно да се провери.

2.Изразуваме искрена подршка на Стрип салонот од Велес предводен од големите ентузијасти Томе и Ване Трајков кои во изминатиов период напорно работеа за промоција на домашниот стрип во странство и тоа во повеќе држави каде помогнаа за афирмација на повеќе млади и домашни автори. Од она што може да се слушне од нивна страна, подготовките за следниот стрип салон одат во позитивна насока и очекуваат добар фестивал во есента што ни доаѓа. Им посакувам многу успех.

3.Како што преходно најавивме, нашиот најдобар и веројатно единствен стрип автор со меѓународен капацитет во овој подолг период- Ацо Сотировски, веќе има договор со престижниот француски Даргауд, а во меѓувреме е можен договор со американскиот Марвел. За ова време, Сотировски работи на свој албум по сценарио на Томислав Османли, а неговите илустрации имаат голем успех во мега популарниот Политикин Забавник. Реално, ова е досега најголем успех на домашниот стрип и ќе биде потребно време некој да го надмине.

Ацо,само напред!

4.Варм Комикс не може да стигне со подготовката за изданијата планирани во месец Јули. Не можеме да се извиниме поради тоа што вината не е во нас. Договорот беше усмено договорен во месец април, но истиот потпишан од трите засегнати страни пристигна пред неколку дела поради грешка на техничките лица во Италија. Поради промената на посредникот, новите правила, годишните одмори кај нив, материјалите сеуште ги немаме во наши раце. Она што можеме да го пренесеме е само нивното извинување кон нас и дека ние наполно ги разбираме. Во првата фаза треба да стигнат двата гиганти со Марти Мистерија и Дилан Дог, а во втората фаза гигантот со Натан Невер и книгата со истиот јунак заедно со Мартин Мистерија. Во меѓувреме додека чекаме на истите, работиме на материјалите кои ги имаме од поодамна. Нашиот тим претрпи промена од 80% и во иднина ќе имаме нови и се надеваме, подобри соработници. На старите соработници искрено им се заблагодаруваме и им посакуваме попрофесионална и успешна работа во иднина. За нивните пропусти кои редовно не чинеа доцнење на изданијата, во следната прилика.

5.Нашиот најпознат графички дилетант и арамија- Мичо Вранишковиќ, не е во најдобра “уметничка“ форма последниве две години. Отакако го избркавме од нашиот форум, не престанува во обидите да ни врати за срамот и понижувањето кое го претрпи. Затоа, најпрвин ја нацрта карикатурата на мајката и девојката на сопственикот на Варм Комикс (истата јавно ја објави), потоа започна со пародија на јунакот Загор каде ги прекрши сите авторски права со злоупотреба на авторски насловни страни и елементи на овој стрип. Подоцна, сите читатели на Загор ги прогласи за педери со тоа што во неговата пропадната цртана серија ја стави маицата на Загор врз еден од ликовите кој би требало да биде заштитник на правата на хомосексуалците во Македонија. Нормално, за еден дилатант и криминалец, ова и не е така чудно. Прашање е само кој ни веруваше на зборовите во почетокот. Потоа, откако го забркаа од стрип центарот во Велес каде постојано правеше сопки и далавери, се обидува да ги оцрни луѓето со најподли лаги и местенки. Исто така, ги исмеваше и црковните илустрации, му правеше сопки и на нашиот најдобар стрип автор и ги оцрнува сите оние кои се осмелуваат да ја говорат вистината за овој апаш. Отвори свој форум бидејќи на блогот нема коментари и посетеност и каде заедно со неговите 3-4 пријатели си играат виртуална стрип сцена на Македонија која служи за потсмев насекаде. Манипулира со 3-4 членови- избркани од нашиот форум од разно разни причини за да ги искриви тезите и фактот дека станува работа за графички дилетант, арамија, манипулант, кодош и подпросечен илустратор кој всушност серијата ја користи за да продава графички услуги како логоа, банери и други работи за кои сите знаеме дека аматерски ги изработува.

6.Неговата цел е да згасне нашиот сајт и форум, како и издавачот Варм Комикс и тоа веќе одамна јавно го кажува. Да згасне стрип центарот во Велес и да не постои било кој што ќе може да го истакнува неговиот дилентантизам скриен во измислениот мит за него како најплоден стрип автор во Македонија. Но, се работи за форум на 4-5 другари, 5то разредни илустратори кои се распределени како администратори и модератори. Себе си се нарекуваат стрип автори или “НИЕ“. Тоа треба да значи самонаречена релевантност за стрип во нашата држава. Исто, тоа треба да значи и најскап ценовник за графички услуги кај евентуалните клиенти кои би ги излажале со измислените перформанси. Затоа, регрутираат членови, нивни блиски пријатели и наводни стрип познавачи кои треба лажно да го величаат нивниот квалитет и да спамираат што повеќе постови за да вештачки го надминат нашиот форум, дури и со скриени подфоруми кои никој не ги гледа. Договараат интервјуа во медиуми со наместени прашања каде една новинарка блиска до нив, со нејзините врски, непрофесионално и неодговорно ја искривува сликата за домашната стрип сцена(откако ќе го дознаеме името,во следната прилика ќе го напишеме). Во исто време, преку истиот форум, ги контролираат новите автори и доколку видат стручност кај истите, веднаш преминуваат со фингирана дисквалификација и навреди.

7.Фактите велат дека се работи за цртачи без капацитет за квалитетен стрип материјал. Истите, одамна се одбиени од релевантните издавачи кај нас и во светот. Факт е дека немаат и никогаш нема да издадат квалитетен стрип кој ќе се испечати во доволен број на примеорци и кој ќе се продаде кај нас или надвор од земјава. Факт е дека нивната цел не е стрипот туку графичките услуги и конкурсите во владата каде постојано лобираат за пари. Факт е дека немаат капацитет да коментираат стрип автори и издавачи со оглед дека никогаш не издале стрип ниту ќе издадат. Нивните истурени членови немаат капацитет за рецензија ниту направиле некој посебен осврт на било која епизода од познат стрип јунак.Факт е дека нивните 3ца истурени членови глумат “захтевни“ колекционери со по 30 стрипови по дома. Факт е дека нивната измислена стрип сцена се базира на фанзин и фото репортажи на едно мало и комично друштво. Нивната стручност се базира на купување стрип од трафика и без да се прочита приказната, се трча на форум да се најде печатна или техничка грешка. Тоа е нивниот стрип капацитет на “автори“ и “колекционери“ кои се подложни на еден апаш, дилетант, кодош и арамија кој си направи форум само за да биде галвен и кој е избркан од првиот македонски форум, од стрип центарот во Велес, на кој сите проекти каде работел пропаднале и на кој му е нормално да си бара утеха во наивни шуги и фегети , исто така банирани од сите форуми каде претходно биле членови поради арамилак. Таков е последниот случај со Ѓорѓи Пешко. Се работи за гнасен извршител(легален рекетар) кој заработува од маката на народот и се фали со колекции, патувања во странство, јадење скари и слично. Тоа е логично со оглед дека легално и законски, овие мршојадци на 1000 денари долг земаат 7000 денари провизија. Човекот е малку растроен и непредвидлив, редовно невротичен и ги задеваше женските членови на нашиот форум на еден интересен и манијакален начин. На дилетантите им беше потребен поради бројот на спамови, па најдоа начин да го приберат таму на наше големо задоволство. После сето тоа, откривме дека измамил еден наш член од Струмица за мала сума пари, токму во времето пред да си замине. Овој преварант, не може да го измие срамот со секојдневна навреда на нашите изданија и навредата кон стрип центарот. Исто така, им порачуваме на неговите ментори дека со притисок врз нашиот форум и членови, изданија и слично, нема да престанеме да коментираме за нивниот стриповски капацитет, арамилук и дилентантизам. Било каков тип на лоши разговори за мене и за нас, нема да направат промена во вистината, а со оглед дека немаат посетеност и интерес за нивната работа, тогаш се е кажано. Сите сомнителни работи во иднина ќе ги пријавиме во УЈП и министерството за култура и во релевантни медиуми. Шот се однесува до нивните закани, ова е сепак јавен веб сајт, па затоа скромно би им кажал каде можат да си ги стават истите. За пример на сето ова, во прилог ви пренесуваме текст на нивниот форум од еден нивни член,релевантен стрипоман и колекционер:

Прашања до администраторите, односно конкретно до Мичо.

1. Дали членот што ја отвори темава прекрши некое правило на форумов?
Од тип на бесплатна реклама и слично па поради тоа го уценувате да го рекламира форумов или од повеќе членови спомнатиот Синдром (магзинот во најава)
2. Зошто толку жолчно се реагира на се што ќе се појави во врска со стрип а ти не си вклучен во тоа?
Дали според тебе не треба да постојат Стрип центар велес, не треба да се појавуваат нови дечки што ќе цртаат како погоре спомнатите Токсиккомикс, не треба да се издаввт преведени стрипови на македонски...
Твоите лични проблеми и фрустрации со некои луѓе поврзани со погоре споменатите институции и изданија се твој проблем и само непотребно замараш и невини луѓе овде кои и не сакаат да се дел од тие твои “пресметки“.
Твое е правото да си пишеш што сакаш... ШТО правиме со моето право да не ги читам тие твои глупости???
3. Од повеќе овде беше спомнат терминот „НИЕ“.
Кои се тоа НИЕ? Дали е официјална политика на форумов да “обедини“ луѓе подржувачи на ликот и делото на Тхе Мичо?
Ти Мичо ако сакаш можеш да се испокараш и зајадеш со сите што ги знаеш поврзани со стрип во македонија (на добар пат си ) тоа не ти дава право да плукаш по се што е поврзано со нив.

Си се скарал со Ацо??? Па реши си бре тоа приватно, истепајте се судете се што сакате прајте. Зошто се радуваш на тоа и секој ден прогнозираш (две години веќе) дека таа работа ќе пропадне. Цело време го исмејуваш другиот форум и како тоа не бил посетен и слично, но тој форум си има конкретна задача, додека има (а се надевам ќе има ) изданија на македонски ќе постои и тој форум. Тој форум си има потполно право како и овој да си постои.
Си се скрал со Томче?? СЦВ поради тоа треба да се затвори??? Ако ти го бојкотираш ќе пропадне???
Новиве групи отворени на фејсбук ги дочека на нож, ЗОШТО???
Дали мислиш дека апсолутно сите во Македонија што се на било каков начин поврзани со стрип треба да се членови на овој и само на овој форум??
На се ново што ќе се појави ти си прв што реагира негативно, со критика и скептицизам а и со голема желба што поскоро да згасне.
На последната собиранка што бев (за вториот Синдром) на моето прашање „Како колегата да дојде до примерок?“ ми беше одговорено дека: „Ако не е член на форумов, не е вистиски љубител на стрип“ Дали е ова ОФИЦИЈАЛНИОТ став на форумов?

Мичо, прочитај си го уште еднаш правилото со црвено што си го пишал. Ептен се однесува за твоите пишувања. Посебно делот за “лечењето“ и решавањето на приватни проблеми овде на форумов.
Еве и Мешков има голема желба да не запознае сите со неговите приватни проблеми. Знаете колку ми е гајле за тие ваши привати караници??? ... па искрено колку што патам по ланскиот снег што го немаше.

Во потписот на Раста мислам дека стои дека се што пишува е негово лично мислење, додека другите модератори (администратори) би требало понекогаш да нагласат дали изнесуваат само нивен личен став или пишуваат од функција на модератор и тоа е официјален став од целокуниот административен дел на форумов.

За крај прашање до сите модератори и администратори?
На кого е форумов???

На последново прашање ако може само краток одговор, а за се погоре пишано нека не се мешаат непотребно други бидејќи стриктно е поставено и се однесува на Тхе Мичо.

ПС: Мичо кога ќе ми направиш тоа банеро?

За крај, забелешката би била дека никој не се гордее со ваков тип на осврт или зборови кои можат да се прочитаат низ текстовите на стрип сајтовите на балканот и најмалку ние со нашите кои во повеќе наврати можевте да ги прочитате на нашата веб страница. Им се извинувам на сите оние што ги малтретираме со непотребни работи,а идат тука со други и позитивни намери. Не им даваме значење на некои “личности“ онолку колку што се мисли и повеќе го правиме тоа за чиста забава и потсмев. Тоа е мислење кое не го наметнувам никому, ниту некогаш ме интересирал крајниот ефект, иако некои детенца се губат во слабоста на емотивниот занес. Сепак, за жал на малкумина, Варм Комикс ќе продолжи во иднина да издава стрипови на македонски јазик и кирилица. Времето е лошо за било каква редовна издавачка активност и носи поголеми ризици од предходно. Трошоците се зголемени,а пазарот е се помалку заинтересиран за стрипови и тоа го знаеме сите. Знам дека повеќето од вас го разбираат тоа и ви ветуваме дека правиме се што можеме согласно нашиот финансиски капацитет. За крај, тука е и фактот кој вели дека оваа година досега Варм Комикс издаде 7 изданија за кратко време. Се што ќе издадеме до крајот на годината ќе значи голем успех за домашната стрип сцена, особено ако се земе фактот скапиот дел на подготовка и материјал за печат. Сите што за ова мислат поинаку, нека се обидат да издадат квалитетно стрип издание и нека го докажат спротивното и ние ќе ги поздравиме во тој обид. Оние што сметаат дека треба да бидат на нашиот форум со цел да им се обрнува внимание 24 часа на нивните глупави коментари и домашни проблеми, слободно нека не игнорираат. Сите што себе си се сметаат за стрип автори, нека отворат свои страници и нека се промовираат таму или на веќе постоечките каде ќе го заслужат посакуваното внимание. Оние што 100 години се сметаат за автори,а не издале стрип издание, знаат добро каде да одат и што да прават исто како и оние што се сметаат за добри стрип познавачи(од википедија), дизајнери, стрип прогресивци и квази колекционари. Нека промовираат други странски изданија и фестивали, кому му е гајле? Позитивно во сета таа работа е што можат да се соберат на едно место и самите да се малтретираат со нивните глупости. Со по едно пиво, на пример ....